Brunch – saam met Annelie Bouwer

Annelie Bouwer is ‘n borrelende rooikop wat baie lief is vir die kunste… alles van dans en teater tot musiek en films. Sy glo dat lag die beste medisyne is vir alles en kies om elke donkerwolk se silwer randjie raak te sien.   Tydens Brunch met Annelie  gaan sy jou dag opkikker met lekker musiek en goeie geselskap en jou daai nodige energie-inspuiting gee om jou deur jou werksdag te kry.  Jy kan uitsien na features soos:

Maandag 09:30 Die Rooikopwaarheid – Fopnuus het ‘n GROOT probleem in ons samelewing geword en versprei soos ‘n veldbrand.  Annelie deel 3 stories wat op sosiale media die rondte doen.  2 is Fopnuus en een is Waar. Jy moet kyk of jy jou fopnuus van ware nuus kan onderskei deur te stuur watter storie jy dink die ware een is. Waarna Annelie die rooikopwaarheid met jou deel.

Dinsdae – 09:30 GROOT 20 Recap

10:30 Ser-I-Jas – Annelie speel ‘n Grootfm omroeper of bekende persoon se “onpopulêre opinie” en gee jou as luisteraar die kans om daarop te reageer… Dis lekker lig en lekker lag. Stem jy saam met die persoon se opinie of wil jy met verbasing en opgetrekte wenkbroue vra “Ser-I-Jas?!”

Woensdae – 09:30 #SpreekLeweSA – Ons staan so bietjie stil in God se woord… Saam oordink en beleef ons God se liefde en genade en raak ons net weer vir ‘n oomblik stil in Sy teenwoordigheid.

Donderdae – 09:30 Jou Mense My Mense – Net omdat ons nie alles vir almal kan wees en doen nie, beteken nie ons moet ons gewone menslike omgee verloor wat fokus op dit wat ons wel vir mekaar kan doen nie…  GROOTfm 90.5 en SPAR sê “Jou mense is my mense”!

As jy hulle en hulle behoefte of omstandighede op die hart dra, dra ons saam! Ons sal jou “instaan–familie” wees as tyd, geld of afstand maak dat jy nie by ouma se 90ste of daardie geliefde wat aansterk in die hospitaal, kan uitkom nie! Dis mos die dáár wees wat tel… die gebaar van liefde en omgee, die persoonlike boodskappie en ‘n bietjie bederf.

GROOTfm 90.5 se “Jou mense is my mense” en sáám is ons beter, word met trots geborg deur SPAR.

10:10 Uit die mond van die suigeling – Annelie vra ‘n vraag vir ‘n kleuter of peuter en jy moet kyk of jy kan raai wat die kindjie se antwoord was. Sy speel die kind se antwoord uit na almal kans gehad het om te raai.  Onthou kinders sê die snaakste goed, so die antwoord is dalk nie so voor die handliggend soos jy dink nie.

10:10 Elke laaste Donderdag van die maand – Praat ek luister – Annelie fokus op probleme wat jy dalk mag ondervind enige iets van verhoudings, finansies, gesondheid of werks probleme en help jou met die hulp van ‘n kenner om in hierdie uitdagende tye die situasie en emosies te hanteer.  Saam kyk ons of ons jou kan help.  Stuur vir Annelie ‘n epos (annelie@grootfm.co.za) met ‘n probleem wat jy tans ondervind en raad mee soek.

Vrydae – 09:30 GROOTskerm – Annelie gesels oor plaaslike en internasionale films en voer onderhoude met akteurs oor “behind the scenes” inligting. Sy vertel ook vir jou wat sy van die fliek wat sy die week gekyk het gedink het sodat jy op hoogte kan bly van wat op die GROOTskerm wys en wat die moeite werd is aldan nie.

DAE

    Maandag

    Dinsdag

    Woensdag

    Donderdag

    Vrydag