Mid-Oggend met Sarina

#MidOggend programbeskrywing:

Mid-oggend is jou daaglikse dosis lag, lekker gesels en lieflike musiek – Maandag tot Vrydag van 09:00 tot 12:00. Sarina bring haar warm persoonlikheid, skerp humorsin en ’n bietjie sprankel om jou dag op te kikker. Ons deel belangrike en interessante nuusberigte, en bring ’n gesellige atmosfeer waar jy tuis voel.

Sarina 101:

‘n Paar van haar gunstelinge:

Kos: Pasta

Kleur: Rooi

TV-program: Enige PGA gholftoernooi

Naweek-aktiwiteit: Middagslapies

Reuk: Die grond na die reën

Dier: Kameelperd

Sarina se gunsteling tydverdryf is lag en om tyd saam met haar familie deur te bring.  Iets wat min van haar weet is dat sy Frans kan praat! Chandler van Friends laat haar hardop lag, en sy hou haar hart vol deur bergfietstry en kwaliteit tyd saam met haar man te spandeer.  Haar gunsteling mens op aarde is haar man, Carel, en haar ‘happy place’ is op die verhoog, voor die kamera of agter die mikrofoon. Haar ‘eendag-as-ek-groot-is-droom’ was om in die radiobedryf te werk, en sy leef daardie droom elke dag met passie uit!