Brunch – saam met Annelie Bouwer
Annelie Bouwer is ‘n borrelende rooikop wat baie lief is vir die kunste… alles van dans en teater tot musiek en films. Sy glo dat lag die beste medisyne is vir alles en kies om elke donker wolk se silwer randjie raak te sien. Tydens Brunch met Annelie gaan sy jou dag opkikker met lekker musiek en goeie geselskap en jou daai nodige energie-inspuiting gee om jou deur jou werksdag te kry.
| Item | Beskrywing |
| Weeksdae 11:00 – 12:00 | #KomOnsPraatDaaroor: die bekroonde geselsprogram wat maak dat luisteraars werk bank om te luister! Aktuele kwessies van die dag en dinge waaroor almal wonder, word bespreek deur ‘n diverse, effens vreemde paneel, op ‘n eerlike, ligsinnige manier. Daagliks regstreeks op GROOTfm 90.5 en Woensdae ook regstreek op KyKNet, DSTV kanaal 144. |
| Maandae 09:30 | #DieRooikopWaarheid: Annelie deel 3 stories wat op sosiale media die rondte doen. 2 is Fopnuus en een is Waar. Jy moet kyk of jy jou fopnuus van ware nuus kan onderskei |
| Dinsdae 10:30 | Ser-I-Jas – Annelie speel ‘n Grootfm omroeper of bekende persoon se “onpopulêre opinie” en gee jou as luisteraar die kans om daarop te reageer…stem jy saam met die persoon se opinie of wil jy met verbasing en opgetrekte wenkbroue vra “Ser-I-Jas? |
| Woensdae 09:30 | #SpreekLeweSA: Ons staan so bietjie stil in God se Woord… Saam oordink en beleef ons God se liefde en genade en raak ons net weer vir ‘n oomblik stil in Sy teenwoordigheid. |
| Woensdae 10:30 | #DaaiLiedjie: Luisteraars kry die geleentheid om interaktief te reageer tydens #BrunchMetAnnelie met hierdie inset. Dit werk as volg: Annelie begin elke week op Woensdae die frase met, ‘Die liedjie wat…’ en voltooi dit met byvoorbeeld, ‘jou aan jou ma laat dink’, ‘jou voete laat jeuk’, ‘jou laat dink aan vakansie’. Annelie wissel die temas weekliks af, en die liedjie wat die meeste genoem en geassosieer word met die spesifieke tema, word dan op lug gespeel. |
| Donderdae 10:10 | Uit die mond van die suigeling – Annelie vra ‘n vraag vir ‘n kleuter of peuter en jy moet kyk of jy kan raai wat die kindjie se antwoord was. |
|
Vrydae 09:30 |
#GROOTskerm: Annelie gesels oor plaaslike en internasionale films en voer onderhoude met akteurs oor “behind the scenes” inligting. Sy vertel ook vir jou wat sy dink van die fliek wat sy die week gekyk het, sodat jy op hoogte kan bly van wat op die GROOTskerm wys en wat die moeite werd is, al dan nie. Soms toets sy ook jou fliek kennis met ‘n lekker vasvra of Grootskerm speletjie |
