Die GROOT Brekfis – saam met Ruben Delmage en Charonike Nel
…Meer oor Die GROOT Brekfis:
#DieGROOTbrekfis is nie net ‘die belangrikste maaltyd van die dag’ nie, maar die rolspeler wat die pas van jou dag bepaal. Hierdie ontbyt-spyskaart begin met inspirerende insetsels van onder andere Jannie Putter, Lindie Strydom, Gretha Wiid en Angus Buchan in, gevolg deur aktualiteits-nuus – eers internasionaal en dan plaaslik, met koerantjoernaliste (van Maroela Media en Beeld) wat hierdie gesprekke lei. Die res van die program sluit in uurlikse nuus-bulletins en verkeersverslae, ook lukrake oomblikke wat die potensiaal het om verkeersknope te veroorsaak! Lekker lag- en huil-oomblikke word daagliks gedeel, en Ruben en Charonike het die vermoë om in so ‘n mate met jou betrokke te raak dat hierdie twee soos familie voel. Laasgenoemde het die weg gebaan vir die sukses van Die GROOT Brekfis. Begin jou dag “sunnyside up”!
Ruben Delmage 101:
Ruben is gebore op die 28ste September 1984 in Klerksdorp.
‘n Paar van sy gunstelinge:
Kos: Braaivleis
Kleur: Blou…’duh’!
TV-program: Rugby
Naweek-aktiwiteit: Fietsry en draf…en BRAAI!
Reuk: Reën op nat grond
Dier: Vuurvliegie
Sy droom ‘date’ is met Avril Lavigne, wat ook sy ‘celebrity crush’ is…En sy grootste vrees is die DRIE S’e…Slange, Spinnekoppe en Sssmeisies! Sy gunsteling akteurs is Kevin Hart, Will Farrell en Robin Williams, en sy droomvakansie is om eendag Mauritius te besoek! Sy gunsteling sêding is ‘onaanvaarbaar’ en ‘NOU DIE BLOU’!
Charonike Nel 101:
Charonike is gebore op die 2de Oktober 1990 in Richardsbaai.
‘n Paar van haar gunstelinge:
Kos: Steak
Kleur: Rooi
TV-program: Rizzoli and Isles en Parks and Recreation
Naweek-aktiwiteit: Lees
Reuk: Varsgemaakte koffie
Dier: ‘n Krokodil en ‘n kat
Een van haar ‘bucket list’-items is om ‘n vertoning te kyk by die Grand Ole Opry in Nashville, Tennessee. Haar grootste vrees is ‘pugs’, en haar ‘happy place’ is by haar vriende. Haar gunsteling sê-ding is ‘uit die aard van die saak’ en sy is mal daaroor om lelik te lag!
