GROOTtrauma – saam met Pieter Cloete

GROOTtrauma programbeskrywing:

‘n Program wat sonder twyfel jou hart sal laat pomp, is #GROOTtrauma. Hierdie is ‘n medies-gefokusde program wat gesondheidskwessies konfronteer deur met kundiges in die veld te praat, gefasiliteer deur twee uiters passievolle mediese kundiges opsigself; Pieter Cloete as anker, en mede-aanbieder dr Jaco van Niekerk. Pieter Cloete is ‘n basiese lewensondersteuning (BLS) instrukteur, geakkrediteer deur en in lyn met die Resus Council en American Heart Association. Hy is ook ‘n ‘first responder’, en as hy enigiets anders kon doen as omroeper-wees, sou hy ‘n loopbaan in trauma-geneeskunde gevolg het. Dr Jaco van Niekerk is ‘n gekwalifiseerde mediese spesialis en trauma-dokter. Na deurbraaknuus van ‘n varkhart wat suksesvol in ‘n mens oorgeplant is, het Pieter en dr Jaco ‘n varkhart in die ateljee (vertoon op Facebook-regstreekse streaming) gedissekteer en die ooreenkomste bespreek wat tot die sukses van hierdie oorplanting gelei het. Verdere besprekings in #GROOTtrauma sluit onderwerpe in wat wissel van die respiratoriese stelsel tot geestesgesondheid soos skisofrenie. Die doel van #GROOTtrauma is om in te lig en op te voed, maar ook om ‘n passie vir die menslike anatomie te kweek. Met die passie wat Pieter Cloete en dr Jaco van Niekerk die program mee aanbied, is gelukkig baie meer aansteeklik as die siektes wat hulle bespreek!

Pieter Cloete 101:

Pieter is gebore op die 28 September 1979 in Buluwayo, Zimbabwe.

‘n Paar van sy gunstelinge:

Kos: Braaivleis en seekos

Kleur: Blou

TV-program: Ware lewensdramas en dokumentêre reekse

Naweek-aktiwiteit: Boeremark of bosveld toe!

Reuk: As die reën val op die bosveld-grond!

Dier: Luiperd

Pieter se gunsteling mens is sy vrou, Lezaan! Hulle het twee honde-kinders, Rocky en Echo. As daar ‘n vakansiebestemming is wat Pieter graag nog sou wou besoek, is dit die Hluhluwe-Mfolozi Natuurreservaat. Sy ‘celebrity crush’ is Katy Holmes en hy het ‘n groot soettand – veral vir koeksisters! Hy het ‘n groot passie vir medici, en natuurlik ook vir tydlose treffers!