Boodskappe LUISTER NOU
#JouMenseMyMense saam met SPAR – Helpende Hand, 25 Maart 2020

#JouMenseMyMense saam met SPAR – Helpende Hand, 25 Maart 2020

Deel hierdie artikel

Ons is oorweldig en miskien onkant gevang, maar ons is nie moeg of moedeloos nie. Ons ervaar ‘n druk, maar ons is nie teneergedruk nie. Ons het nie dadelik al die antwoorde nie, maar ons is nie raadop nie. Mense kry swaar, maar niemand is verlate, vergete of verslaan nie, want in elke krisis, was daar nog altyd iemand wat help. Terwyl ons op ‘n fisiese afstand moet bly, is Suid-Afrikaners nader as ooit aanmekaar gebind deur ‘n gemeenskaplike stryd wat ons saam veg. Ons het mekaar werklik nodig. Daar is net nie ruimte vir selfgestentreerde isolasie waar dit nou net om myself en my eie mense gaan nie. Jou mense is ook my mense. Jou nood raak my ook. Skouer teen skouer – elmboog teen elmboog – en langs mekaar op ons knieë is mense aan die bid en aan die werk om verligting te bring, veral vir ons weerlose gemeenskappe wat die hardste getref word. “Was jou hande”, “versterk jou immuniteit”, “bly op ‘n afstand” en “laat jou toets” is net nie so van selfsprekend in gemeenskappe waar sink- en houthuisies muur teen muur gebou staan en daar nie lopende water of seep, elektrisiteit, kos of selfs vervoer tot by die naaste hospitaal is nie. GROOTfm 90.5 en SPAR se JouMenseMyMense projek wil die stories van dapper dienaars deel wat hoop tasbaar maak in hierdie tyd en op die voorgrond voort veg om seker te maak dat honger en eensaamheid nie ‘n groter krisis as die virus word nie. Ons het met Hannes Noëth, Uitvoerende Direkteur van Helpende Hand gesels oor hulle Kosblikkieprojek, ondersteuning aan bejaardes en “Josef Silo’s” inisiatief wat vandag bekendgestel is. Danksy ons vriende van SPAR en ook Riette Oosthuizen Prokureurs kon ons vir Helpende Hand ‘n R6000 bydrae maak tot hulle noodfonds: 1. Die besonderhede van die noodfonds is beskikbaar by www.corona.org.za . 2. En die adresse van die “Josef Silos” waar niebederfbare produkte geskenk kan word, is by www.josefsilos.co.za

𝙇𝙪𝙞𝙨𝙩𝙚𝙧 𝙬𝙚𝙚𝙧 𝙝𝙞𝙚𝙧:

 

Vir al die fotos volg die skakel: #JouMenseMyMense saam met SPAR – Helpende Hand, 25 Maart 2020

Deel hierdie artikel

Leave a Reply

Close Menu