#JouMenseMyMense – Jolandi Vermeulen | 11 Maart 2026  | GROOTfm 90.5

Jolandi Vermeulen het verlede jaar ’n noodkreet gerig om met haar en haar drie kinders te help. Vier jaar gelede is hulle pappa, en Jolandi se man skielik oorlede, en van toe af sukkel hulle om kop bo water te hou.

Haar kinders, Arlandi (13), Liamé (10) en Clarissa (4) was nog nooit na ’n tandarts toe nie…Hulle benodig skooltasse en -skryfbehoeftes, en deel tans ’n huis met ’n vriend wat hulle hande nou en dan versterk. Jolandi probeer haar beste om met ’n baie beperkte salaris vir haar kinders die beste te gee. Sy voel selfs al skuldig dat sy hulle nog nooit kon bederf met ’n pizza en melkskommel nie.

Ja, dis ’n luuksheid, maar tog iets wat haar as mamma onder kry. Jolandie is moedeloos, en het nie meer vrymoedigheid om haar familie vir hulp te vra nie, omdat hulle al so baie gehelp het. Haar twee oudste dogters, het tot die jaar nog tot 6nm vir hul mamma gewag omdat sy nie ’n nasorg kan bekostig nie. Daar is wel nou ’n nasorg wat teen ’n beter tarief die kinders vanaf Maart vanjaar kon help. Jolandi, Arlandi, Liame en Clarissa het by GROOTfm 90.5 kom kuier…

#gaanGROOT #GROOTverskil #JouMenseMyMense #GemeenskapsFokus #LositBeter #Dankie

Luister HIER na die spesiale oomblik:

Om betrokke te raak by #JouMenseMyMense, klik hier: https://www.grootfm.co.za/raak-betrokke/