#JouMenseMyMense saam met SPAR – Die Smit-gesin

#JouMenseMyMense saam met SPAR – Die Smit-gesin

Deel hierdie artikel

#JouMenseMyMense saam met SPAR – Die Smit-gesin

Die Smit-gesin het die afgelope paar jaar nog net siekte en swaarkry gesien, maar, dit verander nie hulle blymoedigheid, vreugde, vertroue, liefde vir mekaar, en veral geloof nie! Ma, Lida Smit, kon nie by die onderhoud wees nie, as gevolg van ‘n ander werksonderhoud wat op kort kennis gereël is. Ons bid en vertrou vir goeie nuus. Colin, haar man van die afgelope 28-jaar, was saam met sy broer in besigheid, maar moes die besigheid toemaak as gevolg van die nagevolge van die Covid 19 inperking. Hulle oorleef van skenkings – kos, toiletware en klere – en soek intussen hard na uitkoms vir hulle twee seuns, Donovan (27) en Jaedon (12) wat lei aan ‘n baie skaars bloedsiekte, genaamd Fanconi Anemie. Tans is daar ook geen inkomste wat gegenereer word nie.

Jaedon het tydens ons kuierdag verjaar. Toe ons daar instap, terwyl Ma Lida by ‘n werksonderhoud was, het albei seuns geslaap op een bed. Hulle is swak as gevolg die bloedsiekte, Fanconi Anemie – ‘n oorerflike siekte wat ontstaan ​​as gevolg van beskadigde beenmurg. Albei seuns word baie maklik blou, ervaar kroniese moegheid en begin hulle tandvleis en neuse onderskeidelik spontaan te bloei. Ma Lida vertel ons dat hulle beddegoed en klere al so vol bloedvlekke is. Daar is ook nie ‘n wasmasjien om te help met die skoonwas nie. 

Donovan en Jaedan kan nie buite die huis gaan nie, omdat hulle immuniteit uiters kwesbaar is. Ons word ontvang deur Pa Colin, wat soos ‘n ‘loser’ voel omdat hy nie na sy gesin kan omsien nie. Hy is oor die 6 ft, met ‘n hart wat oorloop van sagmoedigheid. Pa Colin is hard opsoek na werk. Dis maar een oplossing. Die ander een? ‘n Beenmurg en bloedplaatjie-oorplanting. Maar, eers moet Donovan en Jaeden ‘n ‘match’ kry. Dis die moeilikste deel van die proses, maar dan, kom die honderde duisende rande wat die operasie gaan kos.

Die Smit-gesin voel al baie sleg om vir hulp te vra. Ma Lida het vroeg vanjaar vir GROOTfm 90.5 gekontak met ‘n hulpkreet. Vir verligting, kruideniersware en klere vir die seuns. Hulle wil met hulle hele hart uit hierdie gat uitkom. Die twee seuns het wakkergeword van hulle sluimer, en ons met ‘n drukkie gegroet! Hulle is sterk seuns. Hulle gees is aansienlik sterker as hulle vlees.

Jaedon is baie lief vir roomys, en, ons kon hom op sy 12de verjaarsdag met behulp van ‘n skenking van Whiskaway: Ice Cream and Sorbet, met ‘n sjokolade-roomyskoek verras. Sy gesigsuitdrukking was ‘priceless’! Ons kon ook, met behulp van donasies en ons familie by SPAR, vir hulle ‘n elektrisiteitsbewys van R2 000 gee, hulle agterstallige huur betaal en ‘n R2 000 geskenkbewys vir kruideniersware.

Liewe Smit-gesin, ons bid vir julle vir ‘n uitkoms. Uit hierdie donker gat waar julle nie hoort nie. Mag julle nooit moed verloor in die soeke na ‘n beenmurg ‘match’ nie, en mag julle bemagtig word met die nodige fondse om vir ‘n oorplanting te kan betaal. Julle sal weer in die lig floreer, daar waar julle gees reeds is. Nou moet julle vlees net opvang.

Fotos: Jislaai-JA! Photography

Om betrokke te raak by #JouMenseMyMense, klik hier: https://www.grootfm.co.za/raak-betrokke/

Luister weer HIER:

Deel hierdie artikel

Leave a Reply